Lista e analizave që kryhen në laboratorët
Më poshtë do gjeni listën e plotë të analizave që ne bëjmë në laboratorët tanë
Në Laboratorin tonë mund të kryen analiza klinike, biokimike, imunologjike, hormonale, tumorale, dhe bakteriologjike. Lista e mëposhtme përfshin ato më të zakonshmet.
Teste laboratorike të specializuara të përshtatura për pacientin
Analizat Klinike
Hemogramë (Gjak Komplet) – Analizë e cila pasqyron elementët e figuruar të gjakut. Disa prej tyre janë:
Rruazat e Bardha (WBC).
Rruazat e Kuqe (RBC).
Pllakëzat e Gjakut (PLT).
Etj.
Formulë Leukocitare – Analizë e cila tregon sasinë e elementëve përbërës të rruazave të bardha, shprehur në përqindje.
Urinë Komplet – Analizë e thjeshtë urine me anë të së cilës konstatohet prezenca e Rruazave të Bardha (Leukocite), Rruazave të Kuqe (Eritrocite) dhe Bakterieve.
Markuesit Tumoralë
CEA – Tregues tumoral i rëndësishëm për diagnostikimin dhe ecurinë e pacientëve që vuajnë dhe janë nën terapi për Tumoret e Zorrës, Gjirit dhe Mushkrive.
AFP – Analizë e cila përdoret për:
Diagnostikimin dhe ecurinë klinike të pacientëve që vuajnë dhe janë nën mjekim për disa lloje Tumoresh, si:
Të Mëlçisë.
Të Lëkurës.
Të Zorrës.
Evidentimin e Tumorit të Testikujve.
Kontrollin e Anomalive Embrionale dhe ato të Placentës gjatë Shtatëzanisë
CA 19-9 – Analizë e cila shërben për diagnostikimin dhe ecurinë klinike të pacientëve që vuajnë dhe janë nën mjekim për disa lloje Tumoresh, si:
Të Pankreasit.
Të Stomakut.
Të Mëlçisë.
Të Zorrës.
Ca 125 – Analizë e cila shërben për diagnostikimin dhe ecurinë klinike të pacientëve që vuajnë dhe janë nën mjekim, kryesisht, për Tumorrin e Vezoreve. Vlera të larta të saj mund indikojnë dhe:
Tumore të Qafës së Mitrës.
Ciroza Hepatike.
Tumore të Pankreasit, të Mushkërive, të Zorrës.
Psa/fPsa – Analizë e cila lidhet me Kancerin e Prostatës. Në rastet kur rezultati del Pozitiv, pra indikon se pacienti mund të vuajë nga Kanceri i Prostatës, ekzaminimet instrumentale dhe laboratorike vazhdojnë për të konfirmuar ose rrëzuar këtë indikacion. Në rastet kur rezultati del Negativ, gjithsesi nuk mund të përjashtohet 100% rreziku i Kancerit të Prostatës.
Analizat Biokimike
Tregues të funksionit të Veshkës:
Azotemi.
Kreatinemi.
Tregues të funksionit të Mëlçisë:
Bilirubinë Totale.
Bilirubinë Direkte.
SGOT.
SGPT.
ALP.
GGT.
LDH.
Treguesit laboratorik të Diabetit:
Glicemi esëll.
Glicemi 2 orë pas ushqimi.
HbA1c.
Lipidograma – Analiza të cilat tregojnë nivelin e yndyrnave në gjak:
Kolesterol.
Triglicerid.
HDL.
LDL.
Tregues labotatorik të funksionit të Pankreasit:
Amilazemi.
Amilazuri.
Lipazemi.
PCR – Proteina C Reactive.
Vlerat e kësaj analize mund të rriten në rastet e inflamacioneve të ndryshme si:
Apendisiti.
Pankreatiti.
Sëmundjet Reumatizmale.
Sëmundjet Inflamatore të Zorrëve.
Mund të përdoret për të vlerësuar rrezikun e zhvillimit të Sëmundjeve të Arterieve Koronare.
Fibrinogjeni – Analizë e cila shërben kryesisht për:
Studimin e faktorëve të koagulimit të Gjakut.
Për monitorimin e sëmundjeve progresive të Mëlcisë, Kockave, Artikulacioneve, etj.
Niveli i Protrombinës/INR – Analizë e cila kontrollon mekanizmin e koagulimit të Gjakut. Ndër funksionet kryesore të saj janë:
Monitorimi i terapisë me hollues Gjaku për pacientët që vuajnë nga Sëmundje të Zemrës.
Monitorimi i pacientëve të cilët vuajnë nga Sëmundje të kronike të Mëlçisë si Hepatitet dhe Cirozat.
Albuminemi – Analizë e cila shërben si tregues i përpunimt të Albuminës në Mëlçi. Në Sëmundjet Kronike të Mëlçisë, si Hepatitet dhe Cirrozat, përpunimi i saj është defiçitar dhe për pasojë vlerat e analizës dalin të ulëta.
Proteina Totale – Analizë e cila tregon kryesisht:
Gjëndjen nutricionale të organizmit.
Funksionin e Mëlçisë dhe të Veshkave.
Uricemia – Analizë e cila tregon nivelin e Acidit Urik në Gjak. Një nivel i lartë i Acidit Urik në Gjak mund të indikojë Sëmundje të Artikulacioneve.
Sideremia – Analizë e cila tregon nivelin e hekurit në Gjak. Përdoret kryesisht për Diagnozën dhe ecurinë klinike të Pacientëve që trajtohen për Anemi nga mungesa e hekurit.
Elektrolitet në Gjak – Analizë e cila tregon nivelin e Elektroliteve ose mineraleve në Gjak.
Kalçium (Ca).
Kalium (K).
Magnez (Mg).
Klor (Cl).
Natrium (Na).
Acidi Folik – Analizë e cila tregon nivelin e acidit folik në Gjak. Ndihmon në diagnostikimin e llojit të Anemive.
Vitamina B12 – Analizë e cila tregon nivelin e Vitaminës B12 në Gjak. Ndihmon në diagnostikimin e llojit te Anemive.
CPK – Analizë e cila tregon nivelin e Kreatinë Fosfokinazës në Gjak. Ajo shërben për të diagnostikuar:
Arrestin Kardiak
Sëmundje të Muskujve
Infeksione Post-Operator.
Faktori Reumatoid – Analizë e cila përdoret për diagnostikimin e Artritit Reumatoid dhe sëmundjeve të tjera Autoimune.
Analizat Imunologjike
AgHBs –Tregues viral. Analizë e cila shërben për të indentifikuar infektimin nga Virusi i Hepatitit B.
AntiHCV – Tregues Viral. Analizë e cila shërben për të indentifikuar infektimin nga Virusi i Hepatitit C.
HIV 1-2 – Analizë e cila shërben për të indentifikuar infektimin nga virusi HIV.
ASO – Analizë e cila tregon nivelin Plazmatik të Antitupave të Antisterptolizinës. Ajo shërben për të diagnostikuar infeksionin e shkaktuar nga Bakteri i Streptokokut.
Feçe Gjak Okult – Analizë e cila tregon prezencën e Gjakut në Feçe. Analizë rutinë për diagnostikimin e Kancerit të Zorrës së Trashë.
Antigeni Fekal për H. Pylori – Analizë e cila tregon mbetjet e Helikobakter Pilorit në Feçe.
Ferritinemi – Analizë e cila tregon rezervat e hekurit në Gjak. Nivele të ulëta të saj ndeshen në rastet e Anemive, kurse nivele të rritura të saj mund të ndeshen në Sëmundje Tumorale ose Sëmundje Kronike të Mëlçisë, si Hemokromatoza.
Analizat Hormonale
Kontrolli i funksionit të Gjëndrës Tiroide:
TSH.
FT3.
FT4.
Analizat Bakteriologjike
Feçe Parazit – Analizë e cila indikon prezencën e parazitëve të ndryshëm, si Giardia Lamblia, në organizëm. Parazitë të cilët transmetohen lehtësisht ndërmjet individëve dhe shkaktojnë shqetësime tek të prekurit prej tyre. Nëse lihen pa u trajtuar mund të shkaktojnë probleme serioze.
Feçe Kandida – Analizë e cila indikon prezencën e Kandidës (Myk ose Kërpudhë) në Traktin Tretës.
Koprokultura – Analizë e cila indikon prezencën e bakterieve, si Salmonela dhe/ose Shigela, në organizëm. Bakterie të cilat shkaktojnë Sëmundje të rrezikshme për jetën e njeriut.
Urokultura – Analizë e cila indikon prezencën e bakterieve në Traktin Urinar. Bakterie të cilat mund të shkaktojnë infeksione të ndryshme dhe në disa raste të rrezikshme për jetën e njeriut, siç është dhe E. Coli.
Kulturë fyti për Kandida dhe Koke – Analizë e cila indikon prezencën e infeksioneve bakteriale ose mykotike në rrugët e Frymëmarrjes.